एज्रा 2

¹बाबेलचा राजा नबुखद्नेस्सराने बाबेलास नेलेले यरूशलेम आणि यहूदा प्रांतातील बंद कैदी मुक्त होऊन आपापल्या नगरात परतले. ²जरुब्बाबेलाबरोबर आलेले ते हे येशूवा, नहेम्या, सराया, रएलाया, मर्दखय, बिलशान, मिस्पार, बिग्वई, रहूम व बाना. इस्राएली लोकांची यादी येणे प्रमाणे. ³परोशाचे वंशज दोन हजार एकशे बाहत्तर. ⁴शफाट्याचे वंशज तीनशे बहात्तर. ⁵आरहाचे वंशज सातशे पंचाहत्तर. ⁶येशूवा व यवाब यांच्या वंशजातील पहथ-मवाबाचे वंशज दोन हजार आठशे बारा. ⁷एलामाचे वंशज एक हजार दोनशे चौपन्न. ⁸जत्तूचे वंशज नऊशें पंचेचाळीस. ⁹जक्काईचे वंशज सातशे साठ. ¹⁰बानीचे वंशज सहाशे बेचाळीस. ¹¹बेबाईचे वंशज सहाशे तेवीस. ¹²अजगादाचे वंशज एक हजार दोनशे बावीस. ¹³अदोनीकामाचे वंशज सहाशे सहासष्ट. ¹⁴बिग्वईचे वंशज दोन हजार छपन्न. ¹⁵आदीनाचे वंशज चारशे चौपन्न. ¹⁶हिज्कीयाच्या घराण्यातील आटेराचे वंशज अठ्याण्णव. ¹⁷बेसाईचे वंशज तीनशे तेवीस. ¹⁸योराचे वंशज एकशे बारा. ¹⁹हाशूमाचे वंशज दोनशे तेवीस. ²⁰गिबाराचे वंशज पंचाण्णव. ²¹बेथलहेमातील लोक एकशे तेवीस. ²²नटोफातील लोक छपन्न. ²³अनाथोथतील लोक एकशे अठ्ठावीस. ²⁴अजमावेथातील लोक बेचाळीस ²⁵किर्याथ-आरीम, कफीरा आणि बैरोथ येथील लोक सातशे त्रेचाळीस. ²⁶रामा व गिबा मधील लोक सहाशे एकवीस. ²⁷मिखमासातील लोक एकशे बावीस. ²⁸बेथेल आणि आय येथील लोक दोनशे तेवीस. ²⁹नबोतील लोक बावन्न. ³⁰मग्वीशाचे लोक एकशे छपन्न. ³¹दुसऱ्या एलामाचे लोक एक हजार दोनशे चौपन्न. ³²हारीम येथील लोक तीनशे वीस. ³³लोद, हादीद आणि ओनो येथील लोक सातशे पंचवीस. ³⁴यरीहोतील लोक तीनशे पंचेचाळीस. ³⁵सनाहाचे लोक तीन हजार सहाशे तीस. ³⁶याजक येशूवाच्या घराण्यातील यदयाचे वंशज नऊशें त्र्याहत्तर. ³⁷इम्मेराचे वंशज एक हजार बावन्न. ³⁸पशूहराचे वंशज एक हजार दोनशे सत्तेचाळीस. ³⁹हारीमाचे वंशज एक हजार सतरा. ⁴⁰लेवी, होदव्याच्या घराण्यातील येशूवा व कदमीएल यांचे वंशज चौऱ्याहत्तर. ⁴¹मंदिरातील गायक आसाफचे वंशज एकशे अठ्ठावीस. ⁴²मंदिराच्या द्वारपालांचे वंशज, शल्लूम, आटेर, तल्मोन, अक्कूवा, हतीता आणि शोबाई यांचे वंशज एकूण एकशे एकोणचाळीस. ⁴³मंदिरातील नेमून दिलेली सेवा, सीहा, हसूफा, तब्बाबोथ यांचे वंशज. ⁴⁴केरोस, सीहा, पादोन. ⁴⁵लबाना, हगबा, अकूबा, ⁴⁶हागाब, शम्लाई, हानान. ⁴⁷गिद्देल, गहर, राया, ⁴⁸रसीन, नकोदा, गज्जाम, ⁴⁹उज्जा, पासेह, बेसाई, ⁵⁰अस्ना, मऊनीम, नफसीम. ⁵¹बकबुक हकूफ, हरहुर, ⁵²बस्लूथ, महीद, हर्षा, ⁵³बार्कोस, सीसरा, तामह, ⁵⁴नसीहा, हतीफा. ⁵⁵शलमोनाच्या सेवाकांचे वंशज, सोताई, हसोफरत, परुदा, ⁵⁶जाला, दार्कोन, गिद्देल, ⁵⁷शफाट्या, हत्तील, पोखेरेथ-हस्सबाईम, आमी ⁵⁸मंदिरातील चाकर आणि शलमोनच्या सेवकांचे नेमून दिलेले काम करणारे वंशज एकूण तीनशे ब्याण्णव होते. ⁵⁹तेल-मेलह, तेल-हर्षा, करुब, अद्दान, इम्मेर या ठिकाणांहून काहीजण यरूशलेमेला आले होते पण आपण इस्राएलाच्या वंशातलेच पूर्वज आहोत हे ते सिद्ध करू शकले नाहीत. ⁶⁰दलाया, तोबीया आणि नकोदाचे वंशज सहाशे बावन्न. ⁶¹आणि याजकांचे वंशज: हबया, हक्कोस, बर्जिल्ल्य (ज्याने बर्जिल्ल्य गिलादी याच्या मुलींपैकी एक मुलगी पत्नी करून घेतली होती आणि त्यास त्याचे नाव पडले होते.) ⁶²आपल्या घराण्याची वंशावळ त्यांनी नोंदपुस्तकात शोधून पाहिली पण त्यांना ती सापडली नाही म्हणून त्यांनी त्यांचे याजकपण अशुद्ध केले. ⁶³याकरीता अधिपतीने त्यांना सांगितले की, उरीम व थुम्मीम घातलेला याजक मंजूर होईपर्यंत त्यांनी पवित्र अर्पण खाऊ नये. ⁶⁴सर्व समुदाय एकंदर बेचाळीस हजार तीनशे साठ इतका होता. ⁶⁵त्यामध्ये त्यांच्या सात हजार तीनशे सदतीस दासदासी यांचा आणि मंदिरातील दोनशे गायकांचा यांचा समावेश नाही. ⁶⁶त्यांचे घोडे सातशे छत्तीस, खेचरे दोनशे पंचेचाळीस. ⁶⁷त्यांचे उंट चारशे पस्तीस. त्यांची गाढवे सहा हजार सातशे वीस होती. ⁶⁸हे सर्वजण यरूशलेमेत परमेश्वराच्या मंदिराजवळ आले. मग अनेक घराण्याच्या प्रमुखांनी मंदिराच्या बांधकामासाठी खुशीने भेटी दिल्या. ⁶⁹या वास्तूच्या कामासाठी त्यांनी आपल्या शक्तीप्रमाणे दिलेली दाने ती अशी: सोने एकसष्ट हजार दारिक, चांदी पाच हजार माने, आणि याजकांचे झगे शंभर. ⁷⁰याप्रकारे याजक, लेवी आणि इतर काही लोक, गायक, द्वारपाल आणि ज्यांना मंदिरातील सेवा नेमून दिली होती ते आपापल्या नगरांत राहिले. इस्राएलातील सर्व लोक आपापल्या नगरांत वस्ती करून राहिले.